Urarekin loturiko ohikuneekin batera bada oraindik bizirik, adituek azaldu dutenez, beste erritu bitxi bat Araba-Nafarroetan. Lurraldeotako toki batzuetan herriko gaztetxoek zahagi zahar batekin edo panpina antzeko bat egiten dute. Batera eta bestera darabilte kaleetan zehar erre puierre edo erre putierre! eta antzeko esaldietan oinarrituriko errezitatuak erabiliz. Azkenean, zahagi horri su ematen diote. Batzuen ustez ekintza honekin urte zaharra akabatzen dute, berau errauts bihurtuz.