Aurretik esan dugun legez maiatza herri sineskeraren arabera maitasunaren hilabetea da, horregatik aldi honetan kokatuko ditugu maitasun eta ezkontza kontuekin lotutako ohitura eta abestiak.

Ezkondu gabe geratzen zena, etxera lotuta geratzen ohi zen eta etxekoen artekoa zen. Mutilzahar edo neskazaharrek orokorrean beti izan dute abegi ona senideen partetik, dena dela, familiatik kanpo adarra jo izan zaie behin baino gehiagotan. Neskazahar eta mutilzahar izenez gain mespretxua adierazten duten beste batzuk ere erabili izan dira: mutxurdina, seutona, donadoa, mutil arra…