1.
Ipiñaburu leku altuan
Undurragaren buruan,
ikazkinagaz ezkontzen danak
ez dau zentzunik buruan.

2.
Atzo goxean prebentau eta
gaur naroazu basora,
leku txarrean egineko egurrak
aterarazoten bidera.

3.
Harezpe baten ezarri eta
negarra far-far altzora,
abadearen lapikotxoa
etorri jatan gogora.

4.
Abadearen lapikotxoa
txikerra baino gozoa,
ikazkinaren lapikotxoa
haundia baina harroa.